علاش !
علاش !
نتضرب ، نتهان ، نغتصب و نتقتتل !
علاش علاش انا ، انتي ، هي ، انتوما وكل مرا في دنيا علاش الحكاية ما توفاش
عرفتني انا شكون ؟
انا الام
انا الاخت
انا بنت العم و بنت الخال
انا الجارة
انا الصاحبة
انا
انا انسان كيفك نحب نعيش..
علاش علاش انا ديما المُلامة !
علاش ديما المرّا مهانة !
علاش انا انتي هي انتوما و كل مرا في ها الدنيا تتضرب تتسب و تغتصب و تتقتل و ما يفيق حد !
تي علاش ساكتين و علي ظلم عينيكم مغمضين و علي ناس مخبين و قوتكم مظهرين و في دياركم في خدمكم و في قرايتكم و في شوارعكم مهانين و ساكتين علاش !
علاش ما تتكلمش و ما تتحررش و من حبسّ الضرب و الهم و الغم ما تهربش
علاش!
ما تشكيش و تبطلّ ما تبكيش ! علاش ما تمسحش دموعك و توقف نزف دمومك
علاش تحب تبقي الضحية و في ظلام تبقي مُتخبيّة علاش تختار سكات و تبقي عايشة في سُبات !
يزي !
يزي من كلمة عيب و اسكت فضيحة تجيبها ليك و للي دايرين بيك
يزي من كلمة مكتوب و كان تتكلم ترجع لدار بوك
يزي من طريحة و اثنين و و ثلاثة و العين تبات تبكي و تشكي لربي بعدلي عبادو كلهم ضدها متحدين !
جاء الوقت اي نعم جاء الوقت بش تفيق و تفرح و تتهني و بحقوقك تتّغني جاء الوقت تشّكي به و تواجه و ما تسّخف و ما تحنّ و ما تتراجع و ما تواخرّ لتالي و تقول مولا داري
جاء الوقت تبطل تكون الضحية.
الحكاية بيك تبدا و توفا انتي تختار .
#اشكي به
بقلم آمنة مرايحي
Aucun commentaire:
Enregistrer un commentaire